बजारमा थरीथरीका स्मार्टफोन उपलब्ध छन् । रुप, कार्यक्षमता, प्रबिधिको प्रयोेगमा स्मार्टफोन परिवर्तनशीलछन् । दिनदिनैजसो विकसित स्मार्टफोनले बजार लिएकाछन् । मोवाईल फोनको आधारभुत प्रयोग कुराकानी नै हो । भौगोलिक दुरीको बाबजुदपनि साथीभाई, नातासम्बन्धसँग सम्पर्क र कुराकानी गर्ने शैलीमा स्मार्टफोनको प्रयोगले उपभोक्ताको व्यवहारमा देखिनेगरी परिवर्तन ल्याएकोछ ।
स्मार्टफोनको व्यापक प्रयोग हुने अर्को क्षेत्र हो फोटोग्राफी । गुणस्तरीय फोटो खिच्नलाई त स्तरिय क्यामेराको महत्व घटेको छैन । यद्यपी स्मार्टफोनले प्रयोगकर्तालाई फोटोग्राफर पनि बनाईदिएको छ ।
स्मार्टफोन फर स्मार्ट सोसाईटी मा विश्वास गर्ने प्रयोगकर्ताको रुपमा आईफोन, सामसुङ, कलर्स, जीफाईभ हुदै हाल गुगल नेक्सस ५ को प्रयोगकर्ता म पनि मेरो फोनलाई आक्कल झुक्कल फोटोग्राफीमा प्रयोग गर्छु । प्राकृतिक दृष्यमा बिशेषगरी साँझ विहानको आकाशको रुपरंग, सुर्योदय, सुर्यास्त, जंगल, बाटोघाटो, बस्ती, हिमाल, मान्छेका व्यवहार मेरो बिशेष चासोमा पर्छन् । उपलब्ध दृष्यलाई मौका मिलेसम्म स्मार्टफोनमा कैद गर्ने प्रयास गर्छु ।
यही प्रयास स्वरुप सुर्योदय, सुर्यास्त, आकाश, साँझविहान आकाशमा देखिने कलात्कम बादलका केही तस्बिरहरु यहाँ प्रस्तुत गरेको छु । राम्रो लागेमा शेयर गर्नुहोला । कपीराईट नभएका फोटाहरु भएपनि प्रयोग गर्नुभयो कुनै प्रसंगमा भने स्रोत खुलाउनु बुद्धिमान नागरिकको जिम्मेवारी हो भन्ने ठानेको छु ।
0 comments: