bg.bg

घर नं १
यो घरमा कोठा खाली छ?
छ, यहाँको बिहे भको छ की छैन?
छैन, छिट्टै हुन्छ होला
पाँच महिनाको एडभान्स चाहिन्छ,
एक महिनाको दिन सक्छु
त्यसो भए खाली छैन

घर नं २
साहुजी, तपाईको घरमा कोठा खाली रछ
छ, कति जना बस्ने हो?
तीनजना, एउटा छोरी, एउटी बुढी र म आफै
अरु सबै राम्रो छ, पानीको चाँही समस्या छ
खानेपानी त होला नी
छैन
नुहाउनलाई
त्यो पनि छैन
तपाईहरु के खानुहुन्छ?
हामी ढुङ्गेधाराबाट ल्याउछौ, अनि कहिले ट्यांकरमा
श्रीमती मुटुकी रोगी, आफु जागीरे, छोरो बच्चै
त्यसो भए गारो हुन्छ, अर्को घरमा हेर्छ,

घर नं ३
तपाईलाई कति कोठा चाहिएको?
एउटा फ्ल्याट हो
पाहुना आउँछन् की आउदैनन्
महिनामा एकचोटी त अबस्य आउँछन्
होहल्ला हुन्छ होला
नबोल्ने मान्छे कोही छैन, १० जनामा सात जना महिला छन्
जाँडरक्सी बोकेरै आउँछन्
तास खेल्न पनि रुचाउँछन्
त्यसो भए जानोस् कोठा तपाईलाई दिन सक्दिन

घर नं ४
ए बज्यै, कोठा खालिजस्तो छ नी?
बज्यै चै नभन्ने की, दिदी भन्दा हुन्छ नी भाई,
मैले कोठा खोजेको, फ्ल्याट,
कति कोठाको भाई?
तीनकोठा कम्तीमा
छ, हेर्नुहुन्छ?
भाडा कति भन्नु भाछ
१२ हजार
के के सुबिधा छ?
पानी भर्न चारबजे उठ्नैपर्छ
कहिलेकाँही आफ्नो पालो आउँदा पानी सकिन्छ
कुकुर पनि रैछ त?
छ, यो मेरो सोख हो,
मेरी बुढीका लागि कुकुर भको घर हुदैन

घर नं ५
मेरो घरमा फ्ल्याट खाली छ
तर एट्याज बाथरुम छैन
घर बाहिर जानुपर्छ
ट्वाइलेटमा पानी छैन भित्रबाटै बोकेर लानुपर्छ
आफ्नो घरमा आफु एक्लै छु
कहिलेकाँही खाना खान दिनुपर्छ
तीन महिनाको भाडा चै पहिले नै दिनुपर्छ
जुत्ता, चप्पल मिलाएर सफासुग्घर राख्नुपर्छ
झ्यालको धुलो दिनैपिच्छे पानी लगाई धुनुपर्छ
दुईटा रुममा चाँही दिउसै बत्ति बाल्नुपर्छ
घामको मुख हेर्नलाई पल्लोघरमा जानुपर्छ
मञ्जुर छ भने यहाँ खुशीसाथ बस्न सक्नुहुन्छ ।

जहाँ जाँदा पनि आफनो अनुकुलको फ्याट नभेटेपछि, दिक्क हुदाको परिणाम
एउटा कविता बन्यो
मन पराई दिनु भएकोमा धन्यवाद ।

चैत ९,२०६८